Ақтөбе тұрғыны халықты теракт жасауға және дінге сенбейтіндерді тонауға шақырды

Әлеуметтік желіде терроризмді насихаттаған ақтөбелік тұрғынға қатысты сот отырысы өтті.

41 жастағы ақтөбелік азаматтың «Аллаға сенбейтіндердің мал-мүлкін тартып алу, «Әбу Ханифа» дәстүрлі діни мазхабын ұстанбау және зайырлы мемлекетті жоққа шығару» атты қылмыстық шақырулармен хабарламалар жолдаған. 

Сарапшылар Ақтөбе тұрғыны мәлімдемелерінде өзге діндер мен діни ағымдардың өкілдеріне зорлық-зомбылық көрсетуге шақырулар бар деген қорытындыға келді. Оған қатысты бірнеше бап бойынша қылмыстық іс қозғалды: «діни араздықты қоздыру» және «ақпараттық-коммуникациялық желілерді пайдалана отырып терроризмді насихаттау».

Сотта ер адам өз кінәсін толық мойындады. Сот оны алты жылға бас бостандығынан айырды. Ақтөбе тұрғыны жазасын қатаң режимдегі түзеу мекемесінде өтейтін болды.