Ақтөбе облысында жол апатынан 12 адам қаза тапты

Бүгін, 23 қазанда Самара — Шымкент тас жолында DAF жүк көлігі мен «Газель»автокөлігі соғылды. Жантүршігерлік жол апатынан 12 адам көз жұмды, деп хабарлайды Orda.kz.

Ақтөбе облысы ПД 2 жүргізушінің және  «Газель»автокөлігіндегі 10 жолаушының қаза тапқанын мәлімдеді. Ал аман қалған 5 адам медициналық мекемеге жеткізілген. 

Жол апатына байланысты сотқа дейінгі тергеу басталды. Оқиға орнында полиция қызметкерлері мен жедел-тергеу тобы жұмыс істеп, оқиғаның барлық мән-жайларын анықтап жатыр. 

Айта кетейік, кеше, 22 қазан күні таңертең 34 жастағы әйел 5 баласымен тірідей жанып кетті.