Ақтөбе облысында жантүршігерлік жол апатынан сегіз адам қаза тапты

Олардың төртеуі —  бала. Тағы 11 адам зардап шекті, үшеуі Мұғалжар аудандық ауруханасына жеткізілді.

2024 жылғы 6 наурызда сағат 08:36-да Ақтөбе облысында Ақтөбе-Астахан тасжолының 120-шақырымында Largus және Hilux маркалы екі автокөлік соқтығысты.

Апат салдарынан Largus көлігі өртеніп кеткен. 8 адам қаза тапты.

Қаза тапқан балалардың Темір ауданы Кеңқияқ ауылындағы мектептің 4-6-сынып оқушылары екені белгілі болды. Олар әке-шешесімен таксиге мініп,  шаруаларымен кетіп бара жатқан.

Оқиға орнында полиция мен төтенше жағдайлар қызметінің қызметкерлері жүр. Апаттың себептері анықталып жатыр.