Ақтөбе облысында су тасқынынан зардап шеккендер арасында «лоторея» ойнатты

Ақтөбе облысы Қобды ауданында су тасқынынан зардап шеккен Жарық ауылының тұрғындарына жаңа үйлерді «лоторея» арқылы табыстады.

Бұл туралы облыс әкімдігінің баспасөз қызметі хабарлады.

Әкімдік бұл процестің ашық өткенін, тұрғындардың нәтижеге көңілі толатынын хабарлады. Енді жаңа үй иелері қоныс аударуға дайындалуда.

Биылғы көктемде облыстың 6 ауданы мен Ақтөбеде су тасқыны көптеген тұрғын үйлер мен инфрақұрылымды зақымдады. Мемлекет басшысының тапсырмасы бойынша зардап шеккендерге көмек көрсету, оның ішінде материалдық қолдау көрсету, тұрғын үйді қалпына келтіру және қажетті азық-түлік пен киім-кешекпен қамтамасыз ету шаралары қабылданды. Тұрғындар да жаңадан салынған үйлерден жаңа баспана алып жатыр.