Ақтөбе облысында су тасқыны салдарынан 36 мыңнан астам адам қауіпсіз жерге көшірілді

Ақтөбе облысында 762 үйді су басып, 36 063 адам эвакуацияланды, оның ішінде 1 398 адам уақытша орналастыру орталықтарында болса, 34 665 адам туыстарына кетті.

Бұл туралы облыстық төтенше жағдайлар департаменті хабарлады.

Төтенше жағдайлар департаменті Сазды су қоймасында су ағынының күшеюіне және Сазды мен Жіңішке өзендеріндегі су деңгейінің көтерілуіне байланысты жақын маңдағы ауыл тұрғындары алдын ала эвакуацияланғанын еске салды.

Естеріңізге сала кетейік, облыста,ы төтенше жағдай Ақтөбе, Қобды, Мұғалжар, Темір, Ойыл аудандарында енгізілген.