Ақтөбе облысында еріген қар суы республикалық тас жолға жайылды

Ақтөбе облысында еріген қар суы республикалық тас жолды басып қалды, деп хабарлайды Orda.kz   QazAvtoJol баспасөз қызметіне сілтеме жасап.

«Кеше сағат 17.00-де республикалық маңызы бар А-26 «Қандыағаш-Ембі-Шалқар-Ырғыз» автожолының 194-ші шақырымында еріген судың пайда болуынан жолдың төмен орналасқан бөлігін су басып, нәтижесінде су тасқыны болды. Жол бойындағы еріген судың ені алдын ала мәлімет бойынша  20 м, ал биіктігі шамамен 3-5 см»  делінген жұма күні тараған хабарламада. 

Бұл арада ағын су мен су желісі  жоқ екені айтылды.

«Ақаулықты жою үшін 13-ші жол пайдалану басқармасының 10 қызметкері ата,салысып, арнайы техниканың көмегімен 100 қап құм төселді» делінген хабарламада.