Ақтөбе облысында 15 ауғандық ұсталды

Самара-Шымкент тас жолында Ауғанстан Республикасының заң бұзушылыққа жол берген 15 азаматы ұсталды.

Бұл туралы Ақтөбе облыстық департаментінің баспасөз қызметі хабарлады.

Самара-Шымкент тас жолының Қарабұтақ ауылының маңында шетелдіктер мінген үш көлікті полиция қызметкерлері тоқтатты. Құжаттарды тексеру кезінде Ауғанстан Республикасының 15 азаматы заң бұзушылыққа жол бергені, жетеуінің  визасының мерзімі өтіп кеткені, бесеуінің төлқұжаты болмағаны анықталды.

Шетелдіктер көші-қон қызметі департаментіне жеткізілді. 11 шетелдік елордалық университеттің студенттері, қалғандары жұмыс визасымен келгені белгілі болды.

Полиция департаменті елде заңсыз жүрген шетелдіктер туралы ақпарат алған азаматтарды 102 нөміріне хабарласуды сұрайды.