Ақтөбе маңында екі оқушы мен мектеп түлегі суға батып кетті

Ақтөбе қаласының іргесіндегі Кирпичный саяжайы ауданында жергілікті Қарғалы өзеніне екі оқушы мен мектеп түлегі батып кетті, деп хабарлайды Orda.kz «Диапазонға» сілтеме жасап.

Батыс Қазақстан медицина университетінің бір топ студенті демалуға өзенге барған. Біраз уақыттан кейін топтағы екі жігіт судан шыға алмай қалды. Олардың бірінің денесін бірден табу мүмкін болмады.

«Бірінші жігіттің денесі 13:58-де судан шығарылды, бірақ екінші жігіт табылмады. Туыстары оны таңғы сағат 3:20-да судан алып шықты»  деп хабарлады Ақтөбе облысының Төтенше жағдайлар департаменті.

Суға батқан жастар төртінші курс студенттері екен. Рафхат Қайыржанов 18 мамырда 21 жасқа, ал досы Елназ Жолан 1 мамырда 21 жасқа толған.

Бір күн бұрын 17 жастағы мектеп бітіруші жасөспірім сол жерде суға батып кеткен. Марқұм жағадан 10 метр қашықтықта бір жарым метр тереңдікте табылды.