Ақтөбе қаласында жолға бөлінген қаражаттың тең жартысы игерілмеген

Ақтөбе қаласында жол құрылысына бөлінген 26 миллиард теңгенің жартысына жуығы игерілмеген, деп хабарлайды Orda.kz. 

Өңірде салынып жатқан жолдардың кейбірі белгіленген мерзімінен кешігіп жатыр. Мәселен, Әйтеке би ауданында «Қарабұтақ-Комсомол-Северное-Сарат-Қырыққұдық-Тұмабұлақ» жол учаскесіндегі жұмыстар аяқталған жоқ. Байғанин ауданындағы «Қарауылкелді-Жарқамыс», «Қарауылкелді-Алтай Батыр-Миялы-Оймауыт» жолдарының құрылысы да кешеуілдеп тұрған көрінеді. Тоғыз айдың қорытындысы бойынша жоспарланған жұмыстардың жартысы ғана орындалған. 

Өңір басшылығы қателіктерге жол берген мемлекеттік қызметшілер мен мердігерлерге қатысты шаралар қолданылатынын жеткізді.