Актер Фархат Абдраимов түсірілім алаңында өмірден өтті

Актер Фархат Абдраимов көз жұмды.

Бұл туралы Orda.kz Kozachkov offside Telegram каналына сілтеме жасап хабарлады.

– Ұлы актер және жақсы адам Фархат Абдраимов Грузияда түсірілім алаңында қайтыс болды, - делінген хабарламада.

Ол қаңтарда 55 жасқа толған.

Актердің өлімін мәдениет министрлігі растады. Белгілі болғандай, ол жүрек талмасынан қайтқан.

Әртіс 1966 жылы Алматыда дүниеге келген.

1988 жылы Алматы технологиялық институтының технологиялық және қоғамдық тамақтандыруды ұйымдастыру факультетін бітірген, инженер-технолог.

1988 жылдан бастап «Турист» мейрамханасының директоры болған.

2001 жылдан бастап - ҚР Бильярд спорты федерациясының вице-президенті болған.

Ол «Рэкетир 2», «Сказ о розовом зайце», «Ирония любви» сынды 20-ға жуық фильмге түскен.