Актер Дональд Сазерленд қайтыс болды

«Қатыгез ойындар» фильмінде Сноуді сомдаған Дональд Сазерленд қайтыс болды.

Бұл туралы оның ұлы Кифер Сазерленд хабарлады.

Диктаторлық режимге қарсы революциялық рухпен ұштасқан «Қатігез ойындар» фильмінде ол диктатор Сноу рөлін өте жақсы сомдаған болатын. Ол 2014 жылы осы рөлі үшін «Кинодағы үздік зұлым» сыйлығының лауреаты атанды.

Сондай-ақ, Дональд Сазерлендтің «Тәкаппар махаббат», «Суық тау» және басқа да фильмдердегі рөлдері танымал.

2018 жылы Дональд Сазерленд кинематографиядағы көрнекті жетістіктері үшін «Оскар» алды. 1995 жылы «Эмми» сыйлығының лауреаты, ал 1993 жылы және 2003 жылы «Алтын глобус»  жүлделерінің иегері атанды.

«Әкем Дональд Сазерленд қайтыс болғанын, жүрегім қан жылап жатқанын сіздерге айтайын. Өз басым оны кино тарихындағы ең маңызды актерлардың бірі деп санаймын.  Жағымды, жағымсыз болмаса, ұсқынсыз рөл болса да ол қорықпай, талдамай сомдады. Ол өз ісін жақсы көрді және сүйікті ісімен айналысты. Одан артық дүниеден дәметпеді де. Ол жақсы өмір сүрді»,— деп жазды актердың ұлы.