Ақтауға қоқиқаздар ұшып келді

Ақтауға қоқиқаздар ұшып келді. Блогер Азамат Сәрсенбаев 3 қазанда осы таңғажайып құстардың бейнежазбасын жариялады, деп хабарлайды Orda.kz.

Алайда қоқиқаздар әдеттегідей қызғылт түсте емес сұр түсті болды.

«Неліктен қоқиқаздар сұр түсті? Бұл – олардың туылғандағы табиғи түсі. Өсе келе, олар ерекше қорегі – балдырлар мен шаяндардан алатын пигменттер арқылы қызыл түске ауысады», – деп блогер өз жазбасында атап өтті. 

Қызығы, қоқиқаздардың Ақтауға жылына екі рет қана ұшып келеді. Олар қыркүйекте келіп, қараша айының соңына дейін қалады. Содан кейін наурыздың басында қайта оралып, мамыр айының ортасына дейін осында болады.