Ақтаудың бұрынғы әкім орынбасары Өзбекстанда ұсталды

Ақтау әкімінің бұрынғы орынбасары Тимур Сәдуақасов Өзбекстанда ұсталды, деп хабарлайды Orda.kz.

ҚМА мәліметінше, мемлекетаралық іздеуде жүрген Сәдуақасов құқық қорғау органдарынан қашуға талпынған кезде шекара қызметі оны ұстаған. Ол Өзбекстан аумағына заңсыз өтпек болған.

Қазір оған қатысты шекараны заңсыз кесіп өту фактісі бойынша қылмыстық іс қозғалып, тергеу изоляторына қамалды. Прокуратура оған Қазақстанға экстрадициялауға қажетті құжаттарды дайындап жатыр.