Ақтаудағы ұшақ апатынан зардап шеккен алты адамның жағдайы тұрақтанды

Ақтау маңында апатқа ұшыраған ұшақта зардап шеккен алты адамның жағдайы тұрақтанды, деп хабарлайды ҚР Денсаулық сақтау министрлігінің баспасөз қызметі.

«Бүгінде Маңғыстау облыстық көпсалалы ауруханасында алты науқас ем қабылдап жатыр, оның төртеуі жансақтау бөлімінде, екеуі травматология бөлімінде жатыр. Жағдайдың нашарлап кетуі болған жоқ, бір науқас қан тамырларын басатын дәріден шығарылды, бір зардап шегушінің тоник дозасы 3-тен 1-ге дейін азайтылды», - деді Маңғыстау облыстық ауруханасының бөлім меңгерушісі Жанар Байманова. 

Қазір Қырғызстанның денсаулық сақтау органдарымен үш зардап шегушіні тасымалдау мәселесі шешілуде, олардың екеуі тасымалдауға жарамды, біреуі ауыр жағдайда - жасанды тыныс алу аппаратында.

Әзірбайжан Республикасынан екі науқасты эвакуациялау үшін дәрігерлердің кеңесі қажет.

Ақтаудағы әуежай маңында жолаушылар ұшағы апатқа ұшырап, зардап шеккен 29 адамның 27-сі Маңғыстау облыстық ауруханасына жеткізілген болатын.

Денсаулық сақтау министрлігі науқастардың әртүрлі жарақаттармен, негізінен жабық бас-ми жарақаты, ми шайқалу, жабық кеуде жарақаттары және травматикалық шок сияқты көптеген жарақаттармен түскенін хабарлады.