Ақтаудағы ұшақ апатынан аман қалған бортсерік

Ақтаудағы әуе апатынан кейін аман қалған Azerbaijan Airlines компаниясына тиесілі ұшақтың бортсерігі Айдан Рахимлидің ауруханадағы жай-күйі белгілі болды, деп хабарлайды Orda.kz.

Modern.az мәліметінше, бортсерік апаттан қатты қорқып қалғандығы соншалық, көз жасын тоқтата алар емес. Қазір оған медициналық көмекпен қатар, психологиялық қолдау да көрсетілуде.

Айта кету керек, ұшақта 5 экипаж мүшесі болған, Игорь Кшнякин, Александр Калянин, Хёкума Әлиева, Зүлфұғар Әсадов және Айдан Рахимли. Экипаж мүшелерінен екеуінің аман қалғаны туралы хабарланды. 

Еске сала кетейік, 25 желтоқсан күні Баку-Грозный бағытында ұшып келе жатқан ұшақ Ақтау маңында аптатқа ұшырады.