Ақтаудағы ұшақ апатын зерттеуге Ұлыбритания қосылды

Қазақстан мен Әзірбайжанның ресми тұлғаларымен бірге авиация апаты тергеуін жүргізуге Британ үкіметінің Еуропа, Солтүстік Америка және шетелдік аумақтар бойынша мемлекеттік министрі Стивен Даути қолдау білдірді, деп хабарлайды Orda.kz.

Report хабарлауынша, бұл туралы Даути британдық парламент мүшесі, Консервативтік партия өкілі Венди Мортонның AZAL ұшағының апаты туралы сұрағына жауап бергенде айтты.

«Біз осы оқиғадан зардап шеккендердің бәрімен біргеміз, әсіресе қайтыс болғандардың отбасылары мен жақындарына көңіл айтамыз», – деді ол.

Дипломаттың айтуынша, Лондон Бразилия, Әзірбайжан және Қазақстанды бұл трагедияны жан-жақты және тәуелсіз тергеуді қамтамасыз етуді қолдайды.

«Менің өкілдерім Әзірбайжан мен Қазақстанның ресми тұлғаларымен тығыз байланыста»,   деп атап өтті ол.

Естеріңізге сала кетейік, 25 желтоқсан күні Баку - Грозный бағыты бойынша рейс атқарған AZAL жолаушылар ұшағы Қазақстанның Ақтау қаласына жақын жерде апатқа ұшыраған. Ұшақтағы 68 адамның 38-і қаза тапты.