Ақтаудағы ұшақ апаты: ұшқыштардың соңғы диалогының толық стенограммасы пайда болды

Желіде Ақтауда апатқа ұшыраған ұшақ ұшқыштарының  диалогының толық стенограммасы пайда болды, деп хабарлайды Orda.kz.

Baza телеграм-арнасы Ақтауда апатқа ұшыраған Embraer-190 ұшағының ұшқыштары мен диспетчерлер арасындағы диалогтың толық стенограммасын жариялады. Грозныйға қонбау, Махачқалаға ұшпау, кейін Бакуге оралып, соңында Ақтауға бағыт алу туралы шешімдердің барлығын «Әзірбайжан әуе желілері» экипажының өздері қабылдағаны белгілі болды.  

Сонымен қатар, стенограммада, борттағы оттегі баллонының жарылуы немесе қозғалтқышқа құс кіруі туралы болжамдарды ұшақ экипажы айтқаны да анықталды.  

Baza өз дереккөздерін ашып көрсетпейді. Ресми түрде жазбаның шынайылығы мен толықтығы да расталмаған. Бұған дейін де Грозныйдағы диспетчерлермен болған әңгімелердің бір бөлігі БАҚ-та  жариялнған болатын.

Еске сала кетейік, 25 желтоқсанда Баку — Грозный рейсін орындаған жолаушылар ұшағы Ақтау әуежайының маңында апатқа ұшырады. Әуе апаты салдарынан 38 адам, оның ішінде алты қазақстандық қаза тапты.