Ақтаудағы ұшақ апаты: Ресей криминалистері тергеуге қатыстырылмайды

Премьер-министрдің орынбасары Қанат Бозымбаев Ақтауда өткен брифингте Azerbaijan Airlines компаниясына тиесілі ұшақтың құлауына Ресей ракетасының қатысы туралы сөз қозғады, деп хабарлайды Orda.kz.

Брифингте Бозымбаев Embraer өндірушісі мен халықаралық авиация комитеті ертең Ақтауға келетінін айтты. Сонымен қатар, ұшақ қалдықтары жиналған жоқ, бұл тергеу үшін қойылған талап екендігін жеткізді. 

Қанат Бозымбаев зымыран соққысына қатысты сұраққа да жауап берді. Ол кешегі сөзін қайталап, бәрі сарапшылардың қолында екенін атап өтті. 

«Біз ешбір нұсқаны растамаймыз және жоққа да шығармаймыз, тергеу жалғасуда», — деді вице-премьер.

Сонымен қатар, Бозымбаев әлемдік БАҚ-та атқылау туралы не айтылып жатқандығына да тоқталды.

«Иә, шынымен де қазіргі уақытта бірнеше сараптама, соның ішінде зерттеулер тағайындалған. Нәтиже алынбайынша қандай да бір пікір айту немесе қорытынды жасау мүмкін емес», — деді Бозымбаев.

Бозымбаевтың айтуынша, Қазақстанның ресми нұсқасы жоқ екендігін және  Әзірбайжан мен Ресей де өз нұсқаларын Қазақстанға ұсынбаған.

Ресей мен Әзірбайжанның құқық қорғау органдары криминалистикалық тергеуге қатыстырылмайды (ҚР Қылмыстық-процестік кодексіне сәйкес), бірақ авиациялық оқиғаға қатысты тергеуге қатыса алады.

Сондай-ақ, Ресей мен Әзірбайжанның құқық қорғау органдары (ҚР қылмыстық-процестік кодексіне сәйкес), криминалистік тергеуге қатыстырылмайды. Бірақ, авиациялық оқиғаға қатысты тергеуге қатыса алатындығын айтты.