Ақтаудағы ұшақ апаты: Апат болған жерден экологтар топырақ сынамаларын алды

Маңғыстау облысы бойынша экология департаментінің зертханалық-талдамалық бақылау бөлімінің мамандары AZAL ұшағы апатқа ұшыраған жерде топырақ сынамаларын алды, деп хабарлайды Orda.kz.

Талдау нәтижелері туралы кейінірек хабарлауға уәде етілді.

«Бұл қоршаған ортаның ластануын анықтау және тергеу жүргізу үшін қажет»,  деп экология департаменті хабарлады. 

Естеріңізге сала кетейік, өткен жылдың 25 желтоқсанында Ақтау қаласының маңында Баку — Грозный бағытымен ұшқан AZAL авиакомпаниясының ұшағы апатқа ұшыраған болатын.