Ақтаудағы әуе апаты: Ресей қаза тапқандардың отбасына өтемақы төлемеді

Қанат Бозымбаев Ресей Ақтауда апатқа ұшыраған Әзірбайжан ұшағында көз жұмған қазақстандықтардың туыстарына өтемақы төлемегенін айтты, деп хабарлайды Orda.kz. 

Брифингте журналистер:

«Ақтаудаға AZAL ұшағында қаза тапқан қазақстандықтардың туыстарына Әзірбайжан немесе Ресей тарапынан өтемақы төленді ме?», — деп сұрады. 

Бозымбаевтың айтуынша, Ресей тарапынан ешқандай қаржылай көмек көрсетілмеген. Ал Әзірбайжан белгілі бір қолдау білдірген екен.

«Ресей өтемақы төлемеді. Ал Әзірбайжан тарапынан Ақтауға арнайы кәсіпкер келіп, марқұмдардың туыстарын жинап, әрқайсысына пәтер алып берді. Сондай-ақ, белгілі бір компания атынан қаржылай өтемақы да төленуі тиіс болатын. Егер ресми сауал жолдасаңыздар, нақты ақпарат беруге дайынбыз», — деді вице-премьер.

Еске сала кетейік, 2024 жылдың 25 желтоқсанында Embraer E-190 ұшағы Баку-Грозный бағыты бойынша ұшып бара жатып, Қазақстанның Ақтау қаласы маңында апатқа ұшырады. Ұшақта 67 адам болған, оның ішінде 5 экипаж мүшесі және 62 жолаушы. Апат салдарынан 38 адам қаза тауып, 29 адам аман қалды. Әзірбайжан әуелден-ақ билігі Ресей зымыраны соққысынан зақым келді деп есептеген еді.

Ал 1 шілдеде Әзірбайжан БАҚ өкілдері ресей капитаны Дмитрий Паладичуктың түсіндірме жазбасын жариялады. Құжатқа қарасақ, 2024 жылдың желтоқсанында ол Грозныйға жасалған дрон шабуылы кезінде әуе нысанын жою туралы бұйрық берген. Олар бұл әңгіме Бакуден Грозныйға ұшқан AZAL ұшағы туралы болды деп топшылап отыр.