Ақтаудағы аялдамалардың бірінен ер адамның мәйіті табылды

2025 жылдың 7 желтоқсанында таңертең 9-шы шағын ауданда қайтыс болған адамның денесі табылды, деп хабарлайды Orda.kz.       

Жерде жатқан адамды кездейсоқ өтіп бара жатқан жүргінші тауып алған. Мәйіттің қасында ұялы телефон жатқан. Жүргінші бірінші нөмірге қоңырау шалады, ол ер адамның немересінің нөмірі болып шықты, деп жазады Lada.

Басылымның жазуынша, туыстары оқиға орнына келіп, жедел жәрдем бригадасын шақырған.

«Дәрігерлер реанимациялық іс-шаралар жүргізді, бірақ оны құтқару мүмкін болмады - биологиялық өлім анықталды. Оқиға орнына мән-жайларды анықтау үшін полиция қызметкерлері келді» деп жазылған мәтінде. 

Туыстары журналистерге ол кісінің таңертең дәріханаға шығып кеткенін айтқан. Ол ұзақ уақыт бойы жоғары қысым мен жүрек ауруынан зардап шеккен екен. Туыстарының пікірінше, өлімге сол аурулары себеп болуы мүмкін. Бір ай бұрын ер адам 64 жасқа толған екен.

Еске салсақ,  Гоада клубтан шыққан өрт 25 адамның өмірін жалмады. Қайғылы оқиға кеше кешке Гоадағы ең танымал Baga жағажайларының біріндегі Birch by Romeo Lane клубында болған.