Ақтауда жұмысшыларды күйік шалды: Дәрігерлер зардап шеккендердің жағдайын айтты

Тұз қышқылының шашырауы салдарынан зардап шеккен «МАЭК» ЖШС (Маңғыстау атом энергетикалық комбинаты) қызметкерлері Маңғыстау облыстық көпсалалы ауруханасында ем қабылдап жатыр, деп хабарлайды Orda.kz Lada.kz-ке сілтеме жасап.

Комбинаттың екі қызметкері беті мен көзінен күйік алған. Зардап шеккендер 23 сәуір күні сағат 19:48-де аурухананың қабылдау бөліміне жүгінген. Екі науқас та жедел түрде офтальмологтың тексеруінен өткен.

Тексеру нәтижесінде қасаң қабықтың химиялық күйігі диагнозы қойылған. Зардап шеккендердің жағдайы тұрақты деп бағаланды. 

Еске салсақ, екі жұмысшы конденсаторды қышқылмен жуу жұмыстарын жүргізген. Тұз қышқылы ерітіндісі арнайы шланг арқылы, қышқылды айдайтын сорғының көмегімен берілген.

Жұмыс аяқталып, сорғы тоқтатылғаннан кейін шлангты шешу кезінде тұз қышқылы ерітіндісі шашырап, нәтижесінде оның тамшылары жұмысшылардың беті мен көз аймағына тиген.

Оқи отырыңыз: 

• Өскеменде автожөндеу аумағында дизель отыны мен майдан тұтанған ірі өрт сөндірілді
• Желтоқсандықтарды қорлаған мұғалім жұмысынан айырылды
• Трампқа оқ атқан «үздік мұғалім» болып шықты