Ақтауда терактінің алды алынды

ҰҚК Ақтау қаласындағы терактінің алдын алғаны туралы мәлімдеді, деп хабарлайды Orda.kz порталы.

Күні бүгін ҰҚК Ақтау қаласында терроризм актісіне дайындалу күдігі бойынша жергілікті тұрғынды ұстаған.

«Оның тұрғылықты жерінде тінту барысында зақымдайтын элементтері бар жарылғыш құрылғыны дайындауға арналған компоненттер және өзге де заттай дәлелдемелер алынды.
Ол бұрын адам өлтіргені үшін сотталған, радикал діни идеологияны ұстанушы» делінген хабарламада.

Айыпталушыға қатысты Қылмыстық кодекстің 255-бабы 1-бөлігі бойынша соталды тергеп-тексеру жүргізіліп жатыр.

Сондай-ақ, Қылмыстық-процестік кодекстің 201-бабы 1-бөлігіне сәйкес өзге ақпарат жарияланбайды.