Ақтауда спортшыны зорлап, өлтірді деген күдіктіге сот үкімі шықты

Сот Валерия Шальнованы өлтірді деген күдіктіні 22 жылға соттады, деп хабарлайды Orda.kz lada.kz сайтына сілтеме жасап.

Маңғыстау облысының қылмыстық істер жөніндегі ауданаралық мамандандырылған соты Валерия Шальнованы өлтіріп, зорлады деген күдіктіге қатысты үкім шығарды.

Зардап шеккен тараптың адвокаты мен оның туыстарының айтуынша, судья сотталушыны 22 жылға бас бостандығынан айыру жазасын қатаң режимдегі колонияда өтеуге үкім шығарды. Валерияның туыстарының айтуынша, күдікті өз кінәсін ақыры мойындамаған.

Бұл шешімге зардап шеккен тараптың адвокатының да көңілі толған. Үкім бүгін ғана шыққан және заңды күшіне енген жоқ. Адвокат Ажар Әбділ алдағы апелляциялық процестерді күтеді.

Еске салайық, 21 жастағы ақтаулық спортшы қыздың денесі былтыр 2 шілдеде табылған. Марқұмның туыстары Валерия Шальнова суицид жасады дегенге сенбеген. Қоғамдық наразылықтан кейін полиция бұл істі "Кісі өлтіру" деп өзгертті. 13 қазанда іс материалдары сотқа жіберілді.