Ақтауда полицейлер шағын ауданды қоршап алды

Ақтаудағы 7-шағын ауданда жүргізушілерді жаппай тексеру қала тұрғындарын әбігерге салды. Бұл жағдайға Маңғыстау облысының полиция департаменті түсініктеме берді, деп хабарлайды Orda.kz Lada басылымына сілтеме жасап.

Төңіректерін полиция қоршауға алғанын қала тұрғындары хабарлап отыр.

«Себебі не екенін білетін адам бар ма? Еш себепсіз олар ықшамауданға кіріп-шығатындардың барлығының жүк салғыштары мен көлігінің ішін тексерді», - дейді жүргізушілер.

Полиция департаменті «Құқықтық тәртіп» жедел-профилактикалық іс-шарасы қазір қаланың барлық шағын аудандарында жүргізіліп жатқанын хабарлады.

Құжаттар мұқият қаралып, қару-жарақ пен есірткінің бар-жоғы да тексеріліп жатыр. Сонымен қатар жүргізушілермен профилактикалық әңгіме жүргізілуде.