Ақтауда ҚМГ-нің тағы бір еншілес кәсіпорнының мұнайшылары ереуілге шықты
Ақтауда «ҚазМұнайГаз» ҰК АҚ еншілес кәсіпорны «Oil Construction» компаниясының жұмысшылары ереуілге шықты, деп хабарлайды Orda.kz тілшісі.
50-ден астам адам қала көшелеріне шығып, 11-12-шағын аудандар арасындағы көлік қозғалысын тоқтатуға тырысты. Әлеуметтік желіде ондаған адамның жаяу жүргіншілер өткелінде тұрып, көлік қозғалысына кедергі келтіргені бейнеленген видео тарады.
Маңғыстау облысының полицейлері ереуілшілер жолды бөгемеген деп отыр. Ведомствоның мәліметінше, қоғамдық тәртіпті қауіпсіздік күштері қамтамасыз еткен.
Ақтау әкімдігі не болып жатқаны туралы түсіндіруден бас тартты.
«ҚазМұнайГаз» ҰК» АҚ баспасөз қызметі Orda.kz сайтының сауалына берген жауабында наразылық білдірген «Oil Construction Company» ЖШС қызметкерлері оларды штатқа алуды талап еткен.
«55 адамды бірден штатқа ауыстыру «Oil Construction Company» ЖШС-де бос жұмыс орындарының болмауына байланысты мүмкін емес. Қызметкерлерді ауыстыру бос жұмыс орындары болған жағдайда кезең-кезеңімен жүзеге асырылады. Сондай-ақ осы мәселе бойынша 2024 жылдың желтоқсан айында Samruk Bussines Academy аутстаффинг қызметкерлерімен кездесу жоспарланған. Біз өз кезегінде қызметкерлерді Қазақстан Республикасының қолданыстағы заңнамасын сақтауға және туындаған мәселелерді сындарлы диалог арқылы шешуге шақырамыз», деп мәлімдеді басшылық.
Естеріңізге сала кетейік, Маңғыстау облысында тағы бір мұнай сервистік компания – «Бұрғылау жұмыстары басқармасы» жұмысшыларының ереуілі жалғасуда. Жаңаөзенде 200-ден астам мұнайшы еңбекақыны көтеруді, сондай-ақ, денсаулығынан айырылған зейнеткерлер мен қызметкерлердің балаларын жұмысқа алуды талап етіп, ереуілге шықты.
Жаңалықтар
- Алматы көшелерінде автобустар не үшін қаңтарылып тұр?
- Тәжікстанда қара хиджабқа тыйым салынып, сақалдыларға бақылау күшейді
- Іздеуде болған мерзімді әскери қызметші ұсталды: Ол әскери полицияға не айтты?
- Жұмыс күші жетіспейтін өңірлерге қоныс аударғандарға 7 миллион теңгеге дейін төленеді
- Алматы маңында жер сілкінді
- Сурхандарияда қызын қорлап, нәжіс жеуге мәжбүрлеген әкеге қылмыстық іс қозғалды
- Елімізде небәрі 240 адам тұратын ең аз ұлт қайсы?
- «Семей орманы» резерватындағы ірі өрт екі аптадан кейін толық сөндірілді
- Жарты жылда жеті адам қаза тапты: Жамбыл облысында өндірістегі жазатайым оқиғалар неге әлі де тоқтамай тұр?
- Футболдағы әлемдік жанжал: Трамп күйеу баласы арқылы додаға қол салды
- Жапониядағы күшті жер сілкінісінен 13 адам қаза тапты, дүмпулер қайталануы мүмкін
- АҚШ пен Сауд Арабиясы Ирактағы Иран қолдайтын террористік нысандарға соққы берді
- Трамп пен Зеленский Ақ үйде жабық кездесу өткізді
- Вице-министр Астанадағы су тасқыны туралы: «Табиғаттан құдыретті емеспіз»
- ЖИ мәтінін тексермей оқи салған депутатты халық отставкаға кетсін деп жатыр
- «Баламның балалық шағын жоқ қылды»: Ақтаудағы стоматологиялық емнен кейін 4 жасар бала жағынан айырылды
- Дастан Сәтбаев «Челси» сапында алғашқы голын 6-минутта-ақ соқты
- Түрмеде қап тіккен «Атамекеннің» бұрынғы басшысы Абылай Мырзахметов бостандыққа шықты
- Бектенов Алматы облысы әкіміне: «Сізді тыңдасақ – өзіңізден басқаның бәрі кінәлі екен»
- Түркістан облысында мәслихат депутатына қатысты Қытай азаматының арызы бойынша тексеру жүріп жатыр
