Ақтауда апатқа ұшыраған ұшақтан ресейлік зымыран бөлшектері табылды - Reuters

Ақтау маңындағы апатқа ұшыраған Azerbaijan Airlines ұшағы құлаған жерден Ресейдің «Панцирь-C» зениттік жүйесі зымыранының сынықтары табылды, деп хабарлайды Orda.kz.

Reuters агенттігі бұл туралы Әзірбайжан үкіметіндегі дереккөзге сілтеме жасап жазды. Мәліметке сүйенсек, ракетаның бөлшегі ұшақтан шығарылған және оны халықаралық сарапшылар анықтапты.

Айта кетейік, 2024 жылғы 25 желтоқсанда Ақтау маңында апатқа ұшыраған Azerbaijan Airlines әуе компаниясының ұшағы ресейлік «Панцирь-С» зениттік-зымырандық кешенімен атып түсірілгені туралы Reuters агенттігі тергеу барысымен таныс дереккөздерге сілтеме жасап, апаттың ертесіне-ақ жазған болатын. Алайда,  бұл нұсқа ресми түрде расталмаған.

Ал  RT мәліметінше, Ресей Ақтау маңында апатқа ұшыраған ұшақтың корпусынан табылған бөгде сынықтар мен бөлшек үлгілерін сараптамаға әлі алмаған. 

Сонымен қатар, RT-тің  ресейлік авиация саласындағы дереккөзінің сөзінше, кейбір шетелдік БАҚ-тың бұл элементтерді «Панцирь» зениттік-зымыран кешенінің зақымдаушы бөліктері деп тануы «ең болмағанда қосымша зерттеулер мен сараптамаларды қажет етеді». Сондай-ақ, RT Қазақстан үкіметтік комиссиясының алдын ала есебінде бұл элементтердің нақты сәйкестігі жоқ екенін және олардың шығу тегін қосымша зерттеу қажеттілігі көрсетілген.