Ақтауда апат болған AZAL ұшағының тергеу қортындысы 2025 жылдың желтоқсанында дайын болады

AZAL ұшағының  апаты жөніндегі тергеу есебі 2025 жылдың желтоқсан айына дейін дайын болатыны туралы көлік министрінің орынбасары Талғат Ластаев айтты, деп хабарлайды Orda.kz

«ИКАО ұсынған тәжірибе талаптары мен стандарттарына сәйкес тергеу бір жылға созылады. Сондықтан 2025 жылдың желтоқсан айына дейін тергеу бойынша соңғы есеп дайын болады», – деді Ластаев.

Айта кетейік, 2024 жылдың 25 желтоқсанында Баку қаласынан Грозныйға ұшып келе жатқан ұшақ Ақтаудан бірнеше шақырым қашықтықта құлады. Ұшақта Әзірбайжан, Ресей, Қырғызстан және Қазақстан азаматтарынан тұратын 62 жолаушы және 5 экипаж мүшесі болған. 38 адам қаза тапты, оның ішінде 6 қазақ азаматы бар. 29 адам аман қалды,  оның ішінде 2 борттсерік де бар.