Ақтауда әкімнің орынбасары қоғамдық тыңдауға 100 шелек су әкелді

Маңғыстау облыстық әкімдігі мен «МАЭК» ЖШС өкілдері ауыз су тарифтерін көтеруге байланысты қоғамдық тыңдаулар өткізді. Шараның «қызығы» жиынға 100 шелек су әкелген облыс әкімінің бірінші орынбасарының әрекеті болды, деп хабарлайды lada.kz.

Осы әрекетімен Жұмабай Қарағаев біз ойланбастан ысырап ететін бір текше метр судың қанша болатынын көрсетуді жөн деп шешкен.

«Біз еш ойланбастан 498-500 теңгеге газсыз ауыз су сатып аламыз. Мұнда 100 шелек бар,бұл бір текше метр су деген сөз. Осындай 60 шелек суды MAEK қуатымен 1 секундта шығара алады. Орташа талап етілетін тариф 398 теңге деп айтып жатырмыз. Мен жай ғана дәделді түрде көрсеткім келді, сонда ғана осы көлемнің қандай болатынын көз алдарыңызға елестетесіздер. Біз бұл «текше метрге» өте субъективті түрде жақындай бастадық. Ұтымдылыққа, объективтілікке шақырамын», – деді Жұмабай Қарағаев. 

Ол қазір жергілікті билік тарапынан су ресурстарын ұтымды пайдалану бағытында ауқымды жұмыстар атқарылып жатқанын атап өтті. Жиналғандардың: «шелектер МАЭК-тікі ме?» деген сұрағына Қарағаев «олар тарифке кірмейді деп» әзілдеп жауап берді. Облыс әкімінің бірінші орынбасары атап өткендей, ыдыстар дүкеннен уақытша алынған.