Ақтау маңында құлаған ұшақ элементтерін жинау басталатын күн әлі анықталған жоқ

Ақтау маңында құлаған ұшақ элементтерін жинау басталатын күн әлі анықталған жоқ, деп хабарлайды Orda.kz ҚР Көлік министрлігінің баспасөз қызметіне сілтеме жасап.

«Комиссия жұмыс жоспарын белгіледі. Комиссия толық құрамда оқиға орнына барады, ұшақ элементтерін жинау үшін ангарды тексереді және ұшақ элементтерін жинау басталатын күн туралы бірлескен шешім қабылдайды» делінген штаб отырысы қорытындысында. 

Штабта Көлік министрі Марат Қарабаевтың төрағалығымен барлық 17 халықаралық сарапшының қатысуымен кеңес өтті. Министрлік комиссия Премьер-Министрдің орынбасары Қанат Бозымбаев басқаратын үкіметтік комиссияның құрамына кіреді.