Ақтау маңында құлаған AZAL ұшағы бірден үш-төрт бөлікке бөлініп кеткен

Ақтау маңындағы апатқа ұшыраған  AZAL ұшағы оң қанатымен жерге құлаған сәтте-ақ үш-төрт бөлікке бөлініп кеткен, деп хабарлайды Orda.kz.

Көлік министрілігі берген алдын ала есебінде ұшақтың жерге құлаған соң бірнеше бөлікке бөлінгені айтылды.

• Фюзеляждың орталық және алдыңғы бөліктері, ұшқыш кабинасының төменгі бөлігі және оң қанаты толық өртеніп кетті.
• Ұшқыш кабинасының үстіңгі бөлігі төменгі бөліктен ажырады, оның үстінде аспаптар панелі, екі ауа терезесі және бір бүйірдегі терезе сақталды.
• Фюзеляждың артқы бөлігі мен құйрығы ұшақтың қалған бөліктерінен алысқа түскен.
• Сол қанат пен орталық бөлігі жанып жатқан фюзеляж алаңында ішінара сақталды.
• Шасси – соқтығыс нәтижесінде бұзылып, апат орнында шашырап кетті, сол қанат тірегішінің үстіңгі  бөлігі сол қанатта қалды.
•  Оң қозғалтқыш бірнеше ірі және кіші бөлшектерге бөлінді, ал сол қозғалтқыш ішінара сақталды.