Ақтау қалалық сотының экс-төрағасы Бауыржан Шайдуллин 9 жылға сотталды

Маңғыстауда қалалық сотының бұрынғы басшысы Бауыржан Шайдуллинге сот үкімі шықты. Ол пара беру және алаяқтық жасады деп айыпталды, деп хабарлайды Orda.kz.

Айыпталушы сот үкімін 20 млн-ға жеңілдетуге уәде берген. Салдарынан өзі темір тордың ар жағынан бір-ақ шықты. Сот 4 айға созылды. Іс Шайдуллиннің өзі жұмыс істеген Ақтау қалалық сотында қаралуы керек болған.
Алайда, осы іс бойынша тағайындалған судья Гүлмаржан Әділсұлтан қызмет атқарудан бас тартты. Бұған себеп – Шайдуллинмен  оның отбасының достық қарым-қатынасы. Осы жағдайдан кейін сот ісі Мұнайлы аудандық сотына жіберілді.

Бүгін Шайдуллинге 9 жыл бас бостандығынан айыру жазасы берілсе, оның серіктесі әрі сот орындаушысы Ринат Жанахметовке 8 жыл берілді. Бұрынғы судьядан мемлекет кірісіне 16 миллион теңге тәркіленді.

Сотталушылардан  қомақты қаражат талап еткен азаматтық талап-арызды сот қараусыз қалдырды.

Еске сала кетейік, бұған дейін Нұрғазы Әбдіқанов Жоғарғы сот судьясы лауазымынан босатылғанын хабарлаған болатынбыз.