Ақтау ирандық туристерді қабылдады

Ақтауға Наурыз мерекесіне орай Тегераннан туристер келді, деп хабарлайды Orda.kz порталы.

2023 жылы алғаш Тегеран-Ақтау бағыты іске қосылған болатын.

Иранда Наурыз мерекесі 20 наурызда басталады. Ол жақта да Наурыз мерекесі ұлттық салт-дәстүрлер кеңінен көрсетілетін мәдени іс-шараларды ұйымдастыруымен өтеді.

«Былтыр біздің өңірге Тегеран-Ақтау бағыты бойынша көктемгі мерекені тойлауға 197 жолаушысы бар 2 чартерлік рейс ұшты. Қонақтар Наурыз мерекесінде қазақ мәдениетімен,  дәстүрлерімен танысты. Биыл чартерлік рейстер саны 3 есеге артты, ал жолаушылардың жалпы саны 870 адамға дейін жетеді деп күтілуде. Бұл туристердің қазақ мәдениетіне деген қызығушылығының артуын және елдер арасындағы туризм саласындағы ынтымақтастықтың нығайғанын дәлелдейді», - деді қонақ үй өкілдері.

Осы бағыт бойынша жазғы маусымда рейстерді жалғастыру жоспарланып жатыр. Сондай-ақ, Маңғыстау облысының Орталық Азиядағы туристік бағыт ретіндегі тартымдылығын айқындайды.