Ақсу спорт мектебіне теннис үстелі 10 есе артық бағаға жалға алынған

Ақсу жасөспірімдер спорт мектебінде болған оқиғаны Антикор түсіріп алған, деп хабарлайды Orda.kz Pavlodarnews сайтына сілтеме жасап.

Хабарламада айтылғандай, 2022 жылдың қыркүйегінен бастап Ақсудағы №2 балалар спорт мектебі «DAAB GROUP» ЖШС-мен жалпы сомасы 18 млн теңгеге алты теннис үстелін жалға алу бойынша жыл сайынғы келісім-шарттар жасасып келген.

Ал, өнім каталогында үстел, тор, екі ракетка және үш доптан тұратын үстел теннисі жиынтығының орташа құны 200-400 мың теңге аралығында екені көрсетілген.

Дене шынықтыру және спорт басқармасы мен оның ведомстволық бағынысты ұйымдарының қызметіндегі сыбайлас жемқорлық тәуекелдеріне жүргізілген сыртқы талдау нәтижелері бойынша барлығы 15 сыбайлас жемқорлық тәуекелдері анықталды.  Антикор олардың барлығы бойынша  ұсыныс берді.