«Ақшаны шаша бермеңдер» Бектенов алғашқы отырысында не деді?

Премьер-министр Олжас Бектенов бүгін үкімет мүшелерінің басын қосып, кеңес өткізді. Баяндамаларды тыңдап, нақты министрлер кабинеті мүшелеріне тапсырма берді, деп хабарлайды Orda.kz порталы.

Қаржы–экономикалық блок министрлерін тыңдап болған соң премьер-министр бюджет шығыстары тек ғана экономикалық табыс әкелуі тиіс, ал өнімсіз шығыстар жойылуы керектігін атап өтті.

«Қаржы министрлігі 10 күн ішінде республикалық бюджетке және 1 ай ішінде барлығына ревизия жүргізуі тиіс. Аса маңызы жоқ шығыстарды қысқартып, ақшаны шаша бермеу керек», – деді Олжас Бектенов

Сонымен қатар премьер-министр салық кодексін қайта жасап, оны өзгерту керектігін атап өтті.

«Сарапшылар мен бизнес қоғамдастықтары пікірлерін ескеруіміз керек. Салық кодексі бизнестің белсенді болуына және оны ұлғайтуға ынталандыру керек», - деп тапсырма берді ол. 

Премьер-министр бизнеске фискалдық шығындар мен әкімшілік жүктемелерден қорықпай «өсу» қағидаты бойынша жұмыс істеу үшін тиімді жағдай жасау керек екенін жеткізді. Өнеркәсіптің дамуына жаңа серпін беру үшін вице-министр Роман Склярға 10 күнде барлық ірі өнеркәсіп, бірінші кезекте өндіруші саладағы өнеркәсіп иелерімен келіссөздер жүргізуді тапсырды.

«Олар жақын арада жаңа жоғары дәрежеде өңдеу өндірістерін құрудың нақты жоспарларын ұсынулары керек», — деді Олжас Бектенов.

Сонымен қатар Бектенов өнеркәсіпті энергиямен қамтамасыз етудің маңызды екенін атап өтті. Президент тапсырмасы бойынша биыл 700 МВт-тан қосымша генерацияны қосу керек. Бектенов егер тапсырма орындалмаған жағдайда тиісті қорытынды жасалатынын айтты. Су ресурстарымен қамтамасыз ету мәселесі бойынша премьер-министр жауапты экономика салаларында суды ұтымды пайдалану жөнінде шаралар кешенін дайындауды және су пайдалану мәдениетін енгізу жөніндегі жұмыстарды бір қарап шығуды тапсырды. Тұрмыстық қалдықтарды қайта өңдеу зауыттарын салу туралы бір ай көлемінде жеке инвестициялар тарту жөніндегі ұсыныстар әзірлеуді талап етілді.

Ұсыныстар – бұл жалпылама көзқарастарды ғана емес, әлеуетті инвесторлар мен іске асыру мерзімдері бар нақты жобаларды білдіреді», — деп атап өтті премьер-министр.

Әлеуметтік блок мәселесіне тоқтала отырып, ең алдымен МӘМС қажеттігіне назар аударылған.

«МӘМС жүйесі елеулі қайта жүйелеуді қажет етеді деп санаймын. Қаражатты тиімсіз жұмсау мен артық жалған тіркеулер бола тұра оны қаржыландыруды ұлғайтуға жол берілмейді. Сала толық цифрландыру мен ашықтықты талап етеді», — деді Бектенов.

Отырыс барысында цифрлық трансформацияны жүргізу, көлік және ауыл шаруашылығын дамыту, «Жайлы мектеп», «Ауылдық денсаулық сақтауды жаңғырту» атты ұлттық жобаларды іске асыру, сондай-ақ азаматтарды қолдау мен мемлекеттік сатып алу, мемлекеттік-жекешелік әріптестікті реформалау жөнінде тапсырмалар берді.

«Біз батыл әрекет ететін Үкімет боламыз. Бізге өсу қарқынын тиімді ұлғайту, экономиканы әртараптандыруды белсендірек жүргізу, инвестиция тарту және барлық міндеттерді шешу үшін жеткілікті өкілеттіктер берілді», — деп атап өтті Олжас Бектенов.

Бектеновтың айтуы бойынша формализм мен бюрократиялық сарсаңға салуды жойып, стереотиптен айырылу керек.

«Министрлер өз бетінше шешім қабылдай білуге тиіс, салалық мәселелерді өз деңгейінде шешулері қажет.  Жұмыс қарқыны жоғары, талап қатаң болатынын әркім түсінуі тиіс», – деп қорытындылады.