Ақша табуды үйретемін деп уәде берген блогер Аяз Шабутдинов ұсталды

Миллионнан аса жазылушысы бар  блогер Аяз Шабутдинов білім беру курстарын сатуда алаяқтық жасады деген күдікпен ұсталды, деп хабарлайды Orda.kz ТАСС-қа сілтеме жасап.

Ұстау операциясын Ресей Федерациясының Экономикалық қауіпсіздік және сыбайлас жемқорлыққа қарсы іс-қимыл департаменті мен Федералдық қауіпсіздік қызметі қызметкерлері жүргізген.

«Блогер Аяз Шабутдинов Мәскеуде жалдамалы пәтерде ұсталды. Ол оқу курстарын сату кезінде алаяқтық жасады деген күдікке ілінді» деп хабарлады басылымның дереккөзі. 

Жалпы блогердің әлеуметтік желілерде 1,9 миллион жазылушысы бар, ол жазылушыларына ақша табуды үйретуге уәде берген.