АҚШ Венесуэла мұнайын әлемдік нарықта сатуды бастағанын мәлімдеді

АҚШ Венесуэла мұнайын әлемдік нарықта сатуды бастағанын мәлімдеді. АҚШ Энергетика министрлігі бұл шешімді «АҚШ пен Венесуэла арасындағы энергиямен жабдықтау саласындағы, Американың қауіпсіздігін қамтамасыз етуге бағытталған тарихи келісім» ретінде атады, деп хабарлайды Orda.kz. 

Мұнай «АҚШ, Венесуэла және одақтастардың мүддесі үшін» сатылатын болады. Министрлік Венесуэланың шикі мұнайы мен мұнай өнімдерін сатудан түскен барлық кіріс алдымен АҚШ бақылауындағы банктердегі шоттарға аударылатынын атап өтті. Ал бұл қаражатты бөлу «АҚШ үкіметінің қалауы бойынша америкалық және венесуэлалық халықтардың мүддесі үшін» жүзеге асырылады. Америкалық тараптың бағалауынша, шамамен 30–50 млн баррель мұнай сатылады деп күтілуде.

Сонымен қатар АҚШ мұнай мен мұнай өнімдерін әлемдік нарықтарға тасымалдау және сату үшін санкцияларды іріктеп алып тастайды.

Сондай-ақ, АҚШ мұнай-кен жабдықтарын, қосалқы бөлшектер мен қызметтерді импорттауға рұқсат береді.

Айта кетейік, бұған дейін Ақ үй Венесуэлаға мұнай өндіруді ұлғайту туралы талап қойған еді.