АҚШ Украина ісіне араласпауы керек еді — Трамп

Дональд Трамп АҚШ-тың Украинадағы қақтығысқа араласуына қатысты кезекті мәлімдеме жасады, деп хабарлайды Orda.kz Газета.ru-ға сілтеме жасап.

Дональд Трамп АҚШ-тың Ақ үйдегі Пасха түскі асы кезінде Украинадағы қақтығысқа қатысты пікір білдірді. Оның сөзі Ақ үйдің YouTube арнасында жарияланды. 

Ол АҚШ бұл қақтығысқа араласпауы керек еді деп есептейді. Трамптың айтуынша, Украина АҚШ-тан мыңдаған шақырым қашықта орналасқан, сондықтан араласудың қажеті болмаған.

Сондай-ақ ол бұрынғы президентті сынға алып, оның Украинаға 250 миллиард доллар көлемінде көмек бергенін, бірақ оның орнына ештеңе алмағанын айтты. Сонымен қатар, көп мөлшерде қару-жарақ жіберілгенін де атап өтті.

1 сәуірде Трамп Украинаға қару жеткізуді тоқтатуы мүмкін екенін айтып, еуропалық одақтастарға қысым жасағысы келетінін жеткізді.

Ал 27 наурызда Ресей мемлекеттік думасының депутаты, экономика ғылымдарының докторы Михаил Делягин Трамп пен оның айналасы Украинадағы қақтығыстан шығуды қалайтынын, бірақ бұған насихат сияқты факторлар кедергі келтіріп отырғанын айтты.

Сол күні Владимир Путин Украинадағы дағдарысқа АҚШ-тың бұрынғы әкімшілігі мен бірқатар еуропалық елдер кінәлі деп мәлімдеді.

Оқи отырыңыз: 

• Трамп Иранды «тас дәуіріне қайтаратынын» мәлімдеді
• АҚШ Иранға қарсы шабуылдарды жақында тоқтатуы мүмкін — Трамп