АҚШ-тың Ресейдегі елшілігі Мәскеуде терактілердің болу қаупі жоғары екенін ескертті

АҚШ-тың Ресейдегі елшілігі америкалық азаматтарға алдағы екі күнде Мәскеуде лаңкестік әрекеттер жасау қаупі арта түсетінін ескертті.

Елшіліктің сайтында Мәскеудегі АҚШ азаматтарына көп адамдар жиналған жерден аулақ болуға, қырағы болуға және жергілікті жаңалықтарды қадағалауға қатаң кеңес берілген ескерту пайда болды. Ұлыбритания елшілігі өз сайтында осындай ескерту жариялады.

«Елшілік экстремистер Мәскеудегі көпшілік іс-шараларда, соның ішінде концерттерде лаңкестік әрекеттерді ұйымдастыруды жоспарлап жатқаны туралы ақпаратты қадағалап отыр. АҚШ азаматтарына алдағы 48 сағат ішінде адамдар көп жиналған  жерге бармауға  кеңес берілді» делінген хабарламада.

АҚШ Мемлекеттік департаменті Ресейге бару үшін тәуекелді бағалауды максимум, төртінші деңгейге көтерді.