АҚШ-тағы жаппай депортация: Қазақстанның үш тумасы ең қауіпті қылмыскерлер тізіміне енді

Америка Құрама Штаттарының билігі ел аумағынан заңсыз жүрген иммигранттарды жаппай депортациялау науқанын бастады, деп хабарлайды Orda.kz.

Ішкі қауіпсіздік министрлігі жариялаған ең қауіпті қылмыскерлер тізіміне Қазақстанда туған үш азамат енді.

Министр Кристи Ноэм бастаған ведомство президент Трамптың сайлауалды уәдесіне сәйкес бұрын ауыр заң бұзушылықтарға жол берген шетелдіктерді бірінші кезекте елден шығаруға кірісті. Вашингтон әкімшілігі депортациялау тізімін жасау кезінде ауыр қылмыс жасаған тұлғаларға басымдық беріп отыр.

• Тізімге енген Джафар Дадаев Алабама штатындағы Бруклин қаласында ұсталды. Оған адамға шабуыл жасау және бөтеннің мүлкін жымқыру айыптары тағылған.
• Тағы бір күдікті Исломдин Искандаров Флорида штатында ұрлық жасағаны үшін айыпталып отыр.
• Ал Орегон штатында Юрий Коротких қару айналымына қатысты заңнаманы бұзды деген күдікке ілінді.

Қазақстанның құқықтық статистика және арнайы есепке алу жөніндегі комитетінің мәліметінше аталған тұлғаларға Қазақстанда іздеу жарияланбаған. Бұл азаматтар тек АҚШ заңнамасы аясында қылмыстық жауапкершілікке тартылып жатыр.