АҚШ-тағы тұрғын үйлерге ұшақ құлады - бортында алты адам болған

Филадельфияда шағын Learjet 55 санитарлық авиациясы апатқа ұшырады. Ол тұрғын ауданда, сауда орталығындағы көлік тұрағына құлаған. Бортта алты адам болған, - деп хабарлайды Orda.kz CBS сайтына сілтеме жасап.

Learjet 55 медициналық ұшағы Филадельфиядан Миссури штатының Спрингфилд қаласына бағыт алып, Филадельфияның солтүстік-шығыс әуежайынан ұшып бара жатқан. Ұшақ әуеге көтерілгеннен  бірнеше минуттан кейін қаланың халық көп шоғырланған ауданында, Рузвельт сауда орталығының тұрағына құлады.

АҚШ көлік министрі Шон Даффи апат кезінде ұшақ бортында алты адам болғанын айтты - төрт экипаж мүшесі, емделуге кетіп бара жатқан бала және науқастың жанындағы адам. Компания мәлімдемесінде «әзірге тірі қалғандар барын растай алмаймыз» деп жазылған.

Жерде де бірнеше адам жараланған. Қала тұрғыны бірнеше үйлер мен көліктердің ұшақ сынықтарынан өртенгенін айтты.

Бір күн бұрын АҚШ-та тікұшақпен соқтығысқан тағы бір ұшақ апатқа ұшырады. Бортта 60-қа жуық адам болған. Олардың барлығы қайтыс болды.