АҚШ-та заңсыз жүрген қазақстандықтар өз еркімен кетуі тиіс

Қазақстанның Америкадағы елшілігі  жерлестерге үндеу жариялады, деп хабарлайды Orda.kz.

«Құрметті Америка Құрама Штаттары аумағында жүрген Қазақстан Республикасының азаматтары! Америка Құрама Штаттарының билігі депортациялау туралы сот шешімін шығарды, бірақ елде қалған шетелдік азаматтарды АҚШ ішкі қауіпсіздік департаментінің бөлімінің Home мобильді қосымшасы арқылы мүмкіндігінше тезірек еліне өз еркімен оралуға шақыратынын ескеріңіз» деп жазылған елшілік хабарламасында.

Отанына  оралуға дайын қазақстандықтарға жеңілдіктер қарастырылған:

• Рейс таңдау мүмкіндігімен елге қауіпсіз оралу;

• Билет сатып алу мүмкіндігі болмаған жағдайда субсидия алу мүмкіндігі;

• АҚШ-та тапқан қаражатты сақтау;

• Болашақта АҚШ-қа заңды түрде оралу құқығы.

Қазақстан Республикасының азаматы өз еркімен қайтудан бас тартқан жағдайда оған мынадай шаралар қолданылады:

• Дереу депортация. АҚШ-тың ішкі қауіпсіздік департаменті кетуге дайындалуға уақыт бермей ұстайды;

• Айыппұлдар мен санкциялар. Айыппұл мөлшері күніне $998 болады. Елден депортациялау туралы сот шешімі соңғы бес жыл ішінде шығарылса, айыппұл бір миллион долларға жетуі мүмкін. Оны төлеу мүмкін болмаған жағдайда жылжымайтын мүлікке мемлекет пайдасына тыйым салуға жол беріледі;
•  Егер азамат кету туралы CBP Home арқылы хабардар етсе, бірақ өз еліне оралмаса, 1000 доллардан 5000 АҚШ долларына дейін қосымша айыппұл салынады;
•  Сондай-ақ АҚШ-қа қайта кіруге тыйым салынады.

Қазақстан Республикасының Елшілігі жағымсыз салдардың алдын алу үшін азаматтарды АҚШ-тан өз еркімен кетуге шақырады.

Бұған дейін Орда АҚШ-тағы қазақстандық заңсыз иммигранттар күн сайын депортацияланатынын жазған болатын. Республиканың 3,6 мыңға жуық азаматы консулдық есепте тұр. Олар ресми түрде тіркелген, құжаттарында еш қиындық жоқ. Бірақ заңсыз иммигранттардың нақты саны белгісіз.