АҚШ-та Трамптың инаугурациясынан кейін бірден мигранттарға қарсы рейд басталады

21 қаңтарда АҚШ-та мигранттарға қарсы рейдтер басталады. Бірінші болып Чикаго тұрғындарына рейд жасалады, - деп хабарлайды Orda.kz тілшісі The Wall Street Journal басылымына сілтеме жасап.

АҚШ-та мигранттарға қарсы рейдтер жаңадан сайланған президент Дональд Трамптың инаугурациясынан кейінгі күні басталады. 

Алғашқы рейдтер Чикагода, одан кейін Нью-Йорк, Лос-Анджелес, Денвер және Майамиде өтеді деп хабарланды. Қылмыстық әрекетке барғандарға ерекше назар аударылады. Оған барлығы 200-ге жуық АҚШ иммиграциясы мен кедендік бақылау қызметкерлері қатысады.

Трамп сайлау науқаны кезінде мигранттарды жаппай депортациялауға уәде берді. Бұған дейін заңсыз иммигранттарды елден шығару үшін тіпті әскери ұшақтар да пайдаланылуы мүмкін екені хабарланған болатын.

Бүкіл депортация науқаны елде төтенше жағдайдың жариялануы арқылы өтеді деп болжанған. Осылайша, президент бақылаусыз көші-қонмен күресіп, экономика мен сыртқы саясат бойынша стратегияны жүзеге асыруды көздеп отыр.