АҚШ-та соңғы 15 жылда алғаш рет қылмыскерді ату жазасы орындалды

Америка Құрама Штаттарында соңғы 15 жылда алғаш рет ату жазасына кесу үкімі орындалды. Бұл туралы Оңтүстік Каролинаның Түзеу департаменті X әлеуметтік желісінде хабарлады, деп хабарлайды Orda.kz DW сайтына сілтеме жасап.

«Биылғы 7 наурыз күні 18:05-те Брэд Кит Сигмонға қатысты ату жазасы орындалды. Дәрігер оның 18:08-де қайтыс болғанын растады» деп жазылған хабарламада.

Өлім жазасына кесілген адам 67 жастағы ер адам 2001 жылы өзінің бұрынғы сүйіктісінің ата-анасы Дэвид пен Глэдис Ларктарды бейсбол таяқшасымен ұрып өлтірген.

Заңгерлердің айтуынша, өлім жазасын орындау әдісін қылмыскердің өзі таңдаған. Сотталушы электрлік орындықтан пен өлімге әкелетін инъекциядан бас тартқан.

Америка Құрама Штаттарында ату – өлім жазасын орындаудың сирек түрі. Бұл 1977 жылдан бері елдегі төртінші ату шарасы. Осы кезеңде барлығы 1500-ден астам адам өлім жазасына кесілген, олардың көпшілігі өлімге әкелетін ине салдырған.