АҚШ-та президент сайлауына қатысты дауыс санау басталды

АҚШ-та президент сайлауына дауыс беру аяқталуға жақын, Бірқатар штаттарда дауыстарды санау басталып кетті, деп хабарлайды Orda.kz.

Америкалық БАҚ-тың алғашқы мәліметтеріне қарасақ, Дональд Трамп Камала Харристен оқ бойы озық келеді. Fox News ақпараты бойынша, Трамп жеңіске жету үшін қажетті 270 сайлаушы дауысының жартысынан көбін жинады.

Сайлау тағдырын «айнымалы» деп саналған штаттардағы дауыс беру нәтижесі шешетін болады. Бұл жолы мұндай штаттарға Аризона, Висконсин, Джорджия, Мичиган, Невада, Пенсильвания және Солтүстік Каролина кіреді. Қазіргі уақытта республикашыл кандидат 21 штатта көш бастап тұр. Ал демократтар өкілі Камала Харрис 14 штатта жеңіске жетті.