АҚШ-та ереуілшілер Илон Масктың қызметінен кетуін талап етті

Вашингтонда жүздеген адам шеруге шығып, Илон Масктың қызметінен кетуін талап етті, деп хабарлайды Orda.kz РИА Новостиге сілтеме жасап. 

Вашингтонда демократиялық заң шығарушылар америкалық миллиардер және АҚШ мемлекеттік тиімділік департаментінің (DOGE) басшысы Илон Масктың әрекеттеріне қарсы акция өткізді. Ереуілшілер, оның ішінде сенаторлар, конгрессмендер, заңгерлер мен киберқауіпсіздік сарапшылары, Маск басқаратын мемлекеттік тиімділік департаментінің қаржы министрлігіне қарасты төлем базасына кіруге рұқсат беруіне қарсы шықты. 

Олар бұл әрекетті салық төлеушілер мәліметтерінің құпиялылық ережесіне қайшы деп санайды. Маск бұл деректерге мониторинг жүргізіп, артық шығынды қысқарту қажет деп мәлімдеген.

Ереуіл жетекшісі Чак Шумердің ойынша, Илон Маск америкалықтардың құпиясына қол сұғып жатыр екен.