АҚШ-та Ақ үй маңында наразылық шерулері өтіп жатыр

Вашингтонда 13 қаңтар күні кешке наразылық білдірушілер полицияға әр нәрсені лақтырып, Ақ үйдің қоршауын зақымдады, содан кейін барлық қызметкерлер мен журналистер ғимараттан шығарылды, деп хабарлайды Orda.kz 

FoxNews хабарлағандай, жиналғандар Палестина мен Йемендегі атысты тоқтатуды талап етеді. АҚШ құпия қызметінің мәліметінше, президент Джо Байден қазір Мэриленд штатындағы Кэмп-Дэвидте.

Сондай-ақ, наразылық білдірушілердің қамауға алынбағаны және Ақ үйге материалдық залал келмегені хабарланды.

Алайда Вашингтон полиция департаментінің басшысы Памела Смит наразылық білдірушілердің деструктивті мінез-құлқын сынға алды. Оның айтуынша, бейбіт наразылық білдіру құқығы АҚШ демократиясының маңызды бөлігі болғанымен, «зорлық пен қылмыстық әрекетке жол берілмейді».

Ол кейбір офицерлерге Лафайет саябағында наразылық білдірушілер шабуыл жасағанын айтты.

Естеріңізге сала кетейік, АҚШ пен Ұлыбритания Йемен астанасына жаңадан әуе соққысын жасады. Шабуыл қаланың солтүстік бөлігінде болды.