АҚШ соты Алматының бұрынғы әкімі Виктор Храпуновтың ұлын кінәлі деп таныды

Нью-Йорктің Оңтүстік округінің федералды соты Ілияс Храпуновты сотты құрметтемегені үшін кінәлі деп тапты. Шешім Алматы қаласы мен «БТА Банкі» АҚ-ның талап-арызы бойынша шығарылды, деп хабарлайды Orda.kz. 

Бұл туралы Әділет министрлігі хабарлады.

Сот Храпуновтың өз активтері туралы үнемі есеп беруді міндеттейтін бұйрықты бұзғанын анықтады. Енді ол ақша мен мүлік туралы толық мәлімет беруі керек. Орындалмаған жағдайда оған жаңа санкциялар тағайындалады. Сонымен қатар, Ілияс Храпунов талапкерлерге сот шығындарын өтеуге міндетті.

Ілияс Храпунов Алматының бұрынғы әкімі Виктор Храпуновтың ұлы және «БТА Банктің» бұрынғы басшысы Мұхтар Әбіләзовтың күйеу баласы. Қазақстан билігі оларды миллиондаған доллар жымқырды және ақшаны жылыстатты деп айыптайды.

Айта кетейік, Ұлттық қауіпсіздік комитеті Кәрім Мәсімовтің бұрынғы күйеу баласы Азамат Қапеновтің ұсталғаны туралы ақпаратқа қатысты мәлімет беруден бас тартты.