АҚШ пен Украина арасындағы Эр-Риядтағы келіссөздер аяқталды

Зеленский кеңсесі басшысының орынбасары Павел Палиса кездесу қорытындысы бойынша түсініктеме беруден бас тартып, украиндық делегацияның ресейлік делегациямен кездеспейтінін айтты, деп хабарлайды Orda.kz РИА Новостиге сілтеме жасап.

Осы уақытта Ресей өкілдері Сауд Арабиясының астанасына келді. Америкалық тараппен келіссөздер дүйсенбі күні таңертең басталады.

Талқылаудың басты тақырыбы – Ресей мен Украина АҚШ президентімен 18 және 19 наурызда телефон арқылы сөйлескеннен кейін келіскен энергетикалық нысандардағы 30 күндік атысты тоқтату. Сондай-ақ Қара теңізде жүзу қауіпсіздігі мәселелері.

Кеше Эр-Риядта Украина мен АҚШ делегацияларының кездесуі болды. Оны  Украина қорғаныс министрі Рүстем Умеров мәлімдеді.

«Бүгін біз бірқатар күрделі техникалық мәселелермен айналысып жатырмыз – біздің делегация құрамында энергетика саласындағы сарапшылар, сондай-ақ теңіз және әуе күштерінің өкілдері бар», - деді Умеров.