АҚШ Қазақстаннан сирек металдарды алуға ниетті

АҚШ-тың мемлекеттік хатшысы мен ҚР СІМ басшысы сирек металдар туралы телефон арқылы сөйлесті, деп хабарлайды Orda.kz. 

Бүгін ҚР СІМ Мұрат Нұртілеу мен АҚШ-тың мемлекеттік хатшысы Марко Рубио сөйлесті. Алайда әңгіменің ресми баяндамалары әртүрлі.

Олардың әңгімесі туралы Қазақстан берген ресми ақпарат бойынша, тараптар кеңейтілген стратегиялық әріптестіктің қазіргі жағдайы мен даму перспективаларын талқылаған. Екі ел саяси диалог пен экономикалық байланыстарды нығайтуға ерекше назар аударуды көздейді. Олар жаһандық қауіпсіздік пен өңірлік тұрақтылықты қоса алғанда, бірқатар негізгі халықаралық мәселелер бойынша пікір алмасты. Сондай-ақ екіжақты ынтымақтастықтың жоғары динамикасын қамтамасыз ету үшін тұрақты байланыстарды сақтауға келісті.

Ал олардың әңгімесі туралы АҚШ нұсқасы бойынша, Марко Рубио АҚШ-тың Қазақстанмен кеңейтілген стратегиялық әріптестігін атап өтіп, Қазақстанның экономикалық әртараптандыру мен ашықтыққа жәрдемдесуге бейімділігін атап өткен. АҚШ энергетика, телекоммуникация және аса маңызды минералдар мен сирек металдар секторларындағы экономикалық байланыстарды тереңдету мақсатында Қазақстанмен ынтымақтастыққа қол жеткізгісі келеді. 

АҚШ Қытайдан келетін сирек металдарға мұқтаж. Өткен жылы Қытай АҚШ-қа кейбір аса маңызды минералдарды экспорттауға санкция салған.